استنبول۔21اکتوبر(اے پی پی)وفاقی وزیر اطلاعات و نشریات مریم اورنگزیب نال ترکیہ دی فلمی صنعت دے نمائندہ وفد ملین۔ انہاں پاکستان اتے ترکیہ وچال ڈرامہ اتے فلم دے شعباں اچ تعاون ودھاوݨ تے الایا۔ وفاقی وزیر اطلاعات پاکستانی فلماں دی نمائش کیتے ترکیہ اچ فلمی میلے اچ پاکستان دی شرکت دا اعلان کیتے۔ فلمی میلے دی تاریخ آندے ہفتے ترکیہ اچ اجلاس اچ طے کیتی ویسی۔ وزیر اطلاعات آکھیا جو فلمی …
وفاقی وزیر اطلاعات مریم اورنگزیب نال ترکیہ دی فلمی صنعت دے وفد دی ملاقات
استنبول۔21اکتوبر(اے پی پی)وفاقی وزیر اطلاعات و نشریات مریم اورنگزیب نال ترکیہ دی فلمی صنعت دے نمائندہ وفد ملین۔ انہاں پاکستان اتے ترکیہ وچال ڈرامہ اتے فلم دے شعباں اچ تعاون ودھاوݨ تے الایا۔ وفاقی وزیر اطلاعات پاکستانی فلماں دی نمائش کیتے ترکیہ اچ فلمی میلے اچ پاکستان دی شرکت دا اعلان کیتے۔ فلمی میلے دی تاریخ آندے ہفتے ترکیہ اچ اجلاس اچ طے کیتی ویسی۔ وزیر اطلاعات آکھیا جو فلمی میلے اچ پاکستان دیاں 3 فلماں پیش کیتاں ویسن۔ انہاں پاکستان اچ جدید ترین فلم پروسیسنگ لیب ٻݨاوݨ اچ تعاون، ترکیہ دی یونیورسٹیوں نال تعلیمی نصاب اچ فلم سازی اتے اداکاری دے مضامین شامل رلاوݨ تے اتفاق کیتے۔ وفاقی وزیر اطلاعات آکھیا جو پاکستان اچ فلماں ٻݨاوݨ کیتے 70 فیصد تئیں ٹیکس اچ رعایت ݙتی گئی اے، فلم دی کہانی، معیار، جدید ٹیکنالوجی دا استعمال قومی فلم پالیسی دا حصہ اے، نویں سینما گھراں، بحالی اتے فنکاراں کوں مراعات ݙیوݨ کیتے اقدامات وی کیتن۔
