اسلام آباد۔21اکتوبر(اے پی پی)وزیراعظم محمد شہباز شریف آکھی جو حکومت الیکٹرک وہیکلز دی تعداد ودھاوݨ اتے ایندے کیتے ملک اچ وݙے پیمانے تے انفراسٹرکچر دی تعمیر دی جامع حکمتِ عملی تے عملدرآمد کریسی، پاکستان ترقی یافتہ ملکاں دی ݙتی ہوئی موسمیاتی تبدیلی دے اثرات دا خمیازہ بھگتیندا پئے،ملک اچ 10 ہزار میگا واٹ شمسی توانائی دے منصوبے دی منظوری ݙتی اے۔ وزیراعظم دی زیرِ صدارت پبلک ٹرانسپورٹ اچ الیکٹرک بساں …
حکومت الیکٹرک وہیکلز دی تعداد ودھاوݨ اتے ایندے کیتے ملک اچ وݙے پیمانے تے انفراسٹرکچر دی تعمیر دی جامع حکمتِ عملی تے عملدرآمد کریسی، وزیراعظم شہباز شریف
اسلام آباد۔21اکتوبر(اے پی پی)وزیراعظم محمد شہباز شریف آکھی جو حکومت الیکٹرک وہیکلز دی تعداد ودھاوݨ اتے ایندے کیتے ملک اچ وݙے پیمانے تے انفراسٹرکچر دی تعمیر دی جامع حکمتِ عملی تے عملدرآمد کریسی، پاکستان ترقی یافتہ ملکاں دی ݙتی ہوئی موسمیاتی تبدیلی دے اثرات دا خمیازہ بھگتیندا پئے،ملک اچ 10 ہزار میگا واٹ شمسی توانائی دے منصوبے دی منظوری ݙتی اے۔ وزیراعظم دی زیرِ صدارت پبلک ٹرانسپورٹ اچ الیکٹرک بساں دی شمولیت، الیکٹرک وہیکلز دی صنعت و معاون انفراسٹرکچر دی تعمیر اتے قابلِ تجدید توانائی دے ذرائع تے اعلی سطح دا اجلاس تھئے جیندے اچ پبلک ٹرانسپورٹ اچ الیکٹرک بساں دی شمولیت، الیکٹرک بساں و گاݙیاں دی صنعت اتے پاکستان اچ ایندے ودھارے کیتے اقدامات تے غور تھیا۔ وزیراعظم آکھیا جو حکومت پاکستان کوں توانائی دے شعبے اچ خود کفیل ٻݨاوݨ کتیے قابلِ تجدید توانائی اچ سرمایہ کاری دی حوصلہ افزائی کریندی پئی اے۔ وزیرِ اعظم پروگرام بارے جامع پلان تیکھے پیش کرݨ اتے وزارتِ صنعت و پیداوار، پاور منسٹری اتے سرمایہ کاری بورڈ کوں شعبے اچ سرمایہ کاراں کیتے ہر ممکن سہولت ݙیوݨ دی وی ہدایات ݙتن۔
