او آئی سی کوں مسلماناں دے بنیادی حقوق اتے مسلم اقلیتاں دے فائدے دے تحفظ کیتے آپݨآ کردار ادا کرݨا چاہیدے، اساکوں سچائی تے مبنی خبراں دے ذریعے جعلی خبراں دا مقابلہ کرݨا پوسی، مریم اورنگزیب

اسلام آباد۔23اکتوبر  (اے پی پی) وفاقی وزیر اطلاعات تے نشریات مریم اورنگزیب آکھیا جو او آئی سی کوں مسلماناں دے بنیادی حقوق اتے مسلم اقلیتاں دے فائدے دے تحفظ کیتے آپݨآ کردار ادا کرݨا چاہیدے، اساکوں سچائی تے مبنی خبراں دے ذریعے جعلی خبراں دا مقابلہ کرݨا پوسی۔ انہاں آکھیا جو اسلاموفوبیا دے گھناؤنا رجحان ڳھٹ نی تھیا، جنوبی ایشیا اچ مسلماناں دے خلاف نفرت انگیز تقریراں اتے جرائم باعث تشویش ہن۔ بھارت اچ بے گناہاں دا قتل، فرقہ وارانہ فسادات اتے الیکٹرانک اتے سوشل میڈیا تے اسلام دی منفی تصویر کشی مسلسل ودھدی ویندی اے۔ متاثرہ ملکاں اچ مومیاتی تبدیلی نال نبڑݨ کیتے فنانسسنگ کوں ودھایا ونڄے۔ اے ڳالھیں انہاں گزریل ݙینھ او آئی سی وزراءاطلاعات کانفرنس دے 12 ویں اجلاس نال خطاب کریندیں ہوئیں آکھی۔ کانفرنس اچ 57 ملکاں دے مندوبین شریک تھیے۔ وفاقی وزیر اطلاعات او آئی سی وزراءاطلاعات کانفرنس دے اجلاس اچ پرتپاک اتےفراخدلانہ مزمان نوازی تے ترکیہ دی عوام اتے حکومت دا شکریہ ادا کریندیں ہوئیں آکھیا جو پاکستان سمجھدے سوشل میڈیا دا کردار آوݨ دے بعد پیدا تھیوݨ آلے مسئلیاں نال نبڑݨ کیتے او آئی سی کوششاں کیتن۔ انہاں آکھیا جو سوشل میڈیا اتے سائبر سپیس اچ غلط معلومات اتے اسلاموفوبیا تے ہک ورکنگ گروپ ٻݨاوݨا چہیدے۔ ورکنگ گروپ تجربات کوں شیئر کرݨ اتے انہاں مسئلیاں تے تفسیلی ڳالھ کرݨ دے مقصد نال آپسی نشست دے طریقہ کار دے تحت کم کر سڳدے۔ پاکستان ورکنگ گروپ دے پہلے اجلاس دی میزبانی دی پیشکش کریندے۔ انہاں یقین دا اظہار کیتا جو او آئی سی وزراءاطلاعات کانفرنس با معنی غور تے خوض غلط معلومات اتے اسلامو فوبیا نال نبڑݨ کیتے اجماعی کوششاں اتے آپسی تعاون کوں ودھاوݨ اچ اہم کردار ادا کرے۔