وزیراعظم شہباز شریف شہزادہ محمد بن سلمان دی دعوت تے اڄ سعودی عرب دے دورہ تے روانہ تھیندے پئن، وفاقی وزیر اطلاعات

اسلام آباد۔24اکتوبر (اے پی پی) وزیراعظم شہباز شریف شہزادہ محمد بن سلمان دی دعوت تے اڄ سعودی عرب دے دورہ تے روانہ تھیندے پئن۔ وفاقی وزیر اطلاعات مریم اورنگزیب سنوار کوں آپݨے ہک بیان اچ آکھیا جو وزیراعظم شہباز شریف سعودی عرب دے ولی عہد وزیراعظم شہزادہ محمد بن سلمان دی دعوت تے اے دورہ کریندے پن۔ وزیراعظم شہباز شریف سعودی ولی عہد شہزادہ محمد بن سلمان نال آپسی دلچسپی دے معاملے تے ڳالھ مہاڑ کریسن۔ وفاقی وزیر اطلاعات آکھیا جو  وزیراعظم شہباز شریف مستقبل اچ سعودی سرمایہ کاری بارے سربراہی اجلاس اچ وی شریک تھیسن۔