ماحولیاتی تبدیلیاں پاروں زرعی پیداوار ڳھٹ تھیندی پی اے، پاکستان کوں ماحولیاتی تباہ کاری نال 32 ارب ڈالر دا نقصان تھیے ، احسن اقبال

اسلام آباد۔24اکتوبر  (اے پی پی) وفاقی وزیر منصوبہ بندی ترقی تے اصلاحات وخصوصی اقدامات  احسن اقبال آکھیا جو ماحولیاتی  تبدیلیاں پاروں زرعی پیداوار ڳھٹ تھیندی پی اے، پاکستان کوں ماحولیاتی تباہ کاری نال 32 ارب ڈالر دا نقصان تھیے، کئی ضلعیاں اچ چھل پاروں مکمل تباہ ڳن۔ تکھے ودھدی موسمیاتی تبدیلیاں پاروں پاکستان ٻہوں متاثر تھیے۔ اے ڳالھیں انہاں سنوار کوں پاکستان واٹر ویک 2022 کانفرنس نال خطاب کریندیں ہوئیں آکھی۔ انہاں آکھیا جو پاکستان کوں ماحولیاتی تباہ کاریاں دا سامݨا اے۔ گلیشئر پھٹدے پئن۔ پاݨی دی ڳھتکی اتے ہیٹ ویو دا سامݨا اے۔ اے ساری تبدیلیاں پاکستان کوں شدید متاثر کریندی پئن۔ پاکستان کوں ماحولیاتی تباہ کاری نال 32 ارب ڈالر دا نقصان تھیے۔ چھل پاروں ہک ملین توں ودھ زناور مرین، زرعی تباہی تھئی اے جئیں پاروں فوڈ سکیورٹی دا مسئلہ ٻݨیے، کلائمٹ سمارٹ ایگری کلچر دی لوڑھ اے۔ انہاں آکھیا جو ملک اچ انوسٹرفرینڈلی پالیسیاں پروموٹ کریندے پیوں، واٹر کنزرویشن کیتےبلوچستان اچ 100 سمال ڈیمز ٻݨائے ویسن۔ بلوچستان اچ چھل پاروں سمال ڈٰیمز دا ضیان تھیے۔