سپیکر قومی اسمبلی راجہ پرویز اشرف اتے ڈپٹی اسپیکر زاہد اکرم درانی دی آزاد ریاست جموں تے کشمیر دے 75 ویں یوم تاسیس تے آزاد جموں تے کشمیر دی حکومت اتے عوام کوں مبارخ

اسلام آباد۔24اکتوبر  (اے پی پی) سپیکر قومی اسمبلی راجہ پرویز اشرف اتے ڈپٹی اسپیکر زاہد اکرم درانی آزاد ریاست جموں تے کشمیر دے 75 ویں یوم تاسیس تے  آزاد جموں و کشمیر دی حکومت اتے عوام کوں مبارخ ݙتی ۔ سنوار کوں آپݨے سنیھے اچ انہاں آکھیا جو 75 سال پہلے اڄ دے ݙینھ کشمیری عوام آپݨی جدوجہد آزادی دے ذریعے ریاست آزاد جموں تے کشمیر دا منݙھ بدھیا۔ ریاست آزاد جموں تے کشمیر دی بنیاد ایں ڳالھ دا ثبوت اے جو کشمیری عوام بھارتی تسلط توں آزادی چاہندن۔ جموں تےکشمیر دی آزادی دا سفر اڄاں جاری اے۔ سپیکر آکھیا جو 5 اگست 2019 کوں بھارت کشمیری عوام دی حق خودارادیت تے شب خون ماریا اتے بھارت لکھاں غیر ریاستی باشندیاں کوں ڈومیسائل جاری کر تے اقوام متحدہ دی قرارداداں توں ہٹ ڳیا۔ خطے اچ پائیدار امن کیتے مسئلہ کشمیر دا کشمیری عوام دی امنگاں اتے اقوام متحدہ دی قرارداداں دے مطابق حل ضروری اے۔ پاکستان کشمیری عوام دی دنیا دے ہر فورم تے کشمیر دے مسئلے دے حل تئیں سفارتی، اخلاقی اتے سیاسی تعاون کریندا رہسی۔