گورنر پنجاب اسمبلی دے 4 بلاں دی توثیق کرݙتی

لاہور۔28اکتوبر(اے پی پی)گورنر پنجاب محمد بلیغ الرحمان پنجاب اسمبلی ولوں ٻھیڄے ڳئے 4 بلاں دی توثیق کر ݙتی اے۔ گورنر دی منظوری توں بعد فوری نافذ العمل ہوسن۔ منطؤر شدہ بلاں اچ جنگلات ترمیمی بل 2022، دی پنجاب آکوپیشنل سیفٹی ہیلتھ(ترمیم)بل2020، پنجاب سیڈ کارپوریشن(ترمیمی)بل 2022 اتے دی فیکٹریز (ترمیمی) بل 2022 شامل ہین۔ گورنر اسمبلی دے طریقہ کار تے نا چلݨ اتے انہاں قوانین اچ اصلاحی تجاویز کوں حصہ نا ٻݨاوݨ دے باوجود اسمبلی دا استحقاق منیدے عوامی مفاد اچ بلاں دی توثیق کیتی۔