اسلام آباد۔31اکتوبر (اے پی پی) وزیراعظم شہباز شریف اڄ وݙے کسان پیکج دا اعلان کریسن۔ وزیراعظم آفس دے میڈیا ونگ توں جاری بیان موجب وزیراعظم چھل متاثرہ علاقیاں اچ زراعت اتے کساناں دے روزگار دی بحالی کیتے خصوصی پیکیج ٻݨائے۔ وزیراعظم دی ہدایت تے وزارت فوڈ سکیورٹی اتے خزانہ دے مشورے نال کسان پیکیج ٻݨایا ڳے۔ کساناں کیتے کنڑک دے بڄ دی مفت فراہمی دا وݙا پروگرام وی شروع کرݨ دا اعلان تھیسی۔ کھاد (ڈی اے پی) دے نرخ اچ ڳھٹکی اتے یوریا دی وافر مقدار اچ ملک اچ دستیابی دے اقدامات دا اعلان وی پیکیج اچ شامل اے۔
