لاہو۔3نومبر(اے پی پی)وزیراعلیٰ پنجاب چوہدری پرویز الہیٰ پنجاب اچ کݨک دا روزانہ دا کوٹہ ودھاوݨ دا فیصلہ کیتے۔ اے فیصلہ وزیراعلیٰ چودھری پرویزالہیٰ اپݨی اڳواݨی اچ لاہور اچ تھیوݨ آلے کابینہ سٹینڈنگ کمیٹی برائے کݨک دے پہلے اجلاس اچ کیتے۔ اجلاس اچ کݨک دے موجود ذخائر اتے لوڑھ دا جائزہ ڳھدا ڳئے۔ اجلاس پنجاب اچ کݨک دا روزانہ دا کوٹہ ودھوݨ دی منطوری ݙتی ڳئی۔ وزیراعلیٰ پنجاب چودھری پرویز الٰہی ودھ پیداوار ݙیوݨ آلے بیج رہاوݨ کیتے آگاہی مہم شروع کرݨ دی ہدایت کیتی اتے کاشتکاراں نال موثر رابطے تیز کرݨ دا آکھیا۔ چودھری پرویز الٰہی آکھیا جو صوبے اچ کݨک کوں اپݨے پیریں تے کھڑا کریسوں، 2008 اچ میݙے وزارت اعلی چھوڑݨ ویلھے محکمہ خوراک دے مونݙھے تے کوئی قرض دا ٻھار کائنا ہا اتے پنجاب ہک سرپلس صوبہ ھا ٻھل مسلم لیگ ن حکومت دی نااہلی نال قرض دا ٻھار چڑھدا ڳئے اتے سرپلس صوبہ قرض وات آ چکیے۔ انہاں آکھیا جو اساں انشاءاللہ پنجاب دے محکمہ خوراک کوں ولا تکڑا کریسوں۔ اجلاس اچ سیکرٹری خوراک اتے ڈائریکٹر فوڈ کݨک دے ذخائر سانڳے بریفنگ ݙتی۔
