عمران خان تے حملے کوں سیاسی نا ٻݨایا ونڄے، وزیر دفاع خواجہ محمد آصف

اسلام آباد۔4نومبر(اے پی پی)وزیر دفاع خواجہ محمد آصف آکھیے جو سابق وزیراعظم عمران خان تے حملے کوں سیاسی مقاصد اتے سیاسی مفادات دا حصہ نا ٻݨایا ونڄے، واقعہ دی مکمل تحقیقات تھیوݨی چاہیدی اے جو اصل مجرم پکڑیجن۔ قومی اسمبلی اچ الیندے انہاں آکھیا جو کل دا واقعہ افسوسناک اے جیندی ایوان وی مذمت کیتی اے، اے واقعہ ساݙے کیتے من حیث القوم شرمندگی اے، ڄق اچ انگلیاں چوینداں پن جو اساں کیہڑے پاسے ویندے پئے ہیں، وزیر دفاع آکھیے جو حکومت چاہندی اے جیکر واقعے دے پچھو کوئی سازش اے تاں قوم دے اڳو آوے، جیکر ایکوں سیاسی ٻݨایا ڳیا تاں ایندے محرکا تے مٹی پئے ویسی، تاریخ اینڄھے واقعات نال بھری ہوئی اے، بے نظیر بھٹو، لیاقت علی خان نال وی ایہو کڄھ تھئے اتے اڄ تئیں حقائق نئیں کھلیے۔ انہاں آکھیا جو ویڈیوز اتے ملزم دے بیان نال ایہو لڳدے جو اے مذہبی جنونی دا عمل اے جیندی وجہ ساݙا اپݨا رویہ اتے مذہب بارے حدود دا خیال نا رکھݨ اے ٻھل واقعے دی تحقیقات خراب کر تے سیاسی مقاصد کیتے استعمال کرݨ دی کوشش قوم نال زیادتی اے۔