اسلام آباد۔4نومبر (اے پی پی) صدر مملکت ڈاکٹر عارف علوی سارے قوماں اتے لوکاں تے بلاامتاز، ہکو سواں اتے منصفانہ بین الاقوامی قانون دے اطلاق دی لوڑھ تے زور ݙیندیں ہوئیں آکھیا جو دنیا اچ امن کیتے اخلاقیات اتے انسانیت تے مبنی نظام کوں اپنایا ونڄے۔ آپسی یقینی تباہی، مہذب اتے رحمانہ جنگ دے تصورات کوں مسترد کر تے پورا امن ممکن اے۔ اے ڳالھیں انہاں جمعے کوں پاکستان انسٹی ٹیوٹ آف پیس سٹڈیز (پپس) دے ڈائریکٹر محمد عامر رانا دی قیادت اچ وفد نال ملاقات اچ ڳالھ مہاڑ کریندیں ہوئیں آکھی۔ ملاقات اچ پپس دے ڈائریکٹر صدر مملکت کوں ”چارٹر آف پیس” پالیسی دستاویز تے ہک پریزنٹیشن ݙتی۔ اے دستاویز مختلف فریقاں دے مشورے دے بعد ٻݨائی ڳی اے۔ دستاویز اچ جمہوریت دے فروغ، آئین، انسانی حقوق اتے قانون دی حکمرانی برقرار رکھݨ ، ملک اچ پائیدار امن کیتے ضروری عناصر دا ذکر کیتا ڳیا۔
