شرم الشیخ۔7نومبر(اے پی پی)وزیراعظم محمد شہباز شریف نال کوپ 27 سربراہی کانفرنس ویلھے عراق، تاجکستان، انڈونیشیا دے صدور اتے لبنان دے وزیراعظم ملین۔ وزیراعظم کوپ 27 سربراہی کانفرنس دے موقع تے شرم الشیخ انٹرنیشنل کانگریس سینٹر اچ اہم عالمی رہنماواں نال ملین۔ انہاں نال عراق دے صدر عبداللطیف راشد، تاجکستان دے صدر امام علی رحمان، انڈونیشیا دے صدر جوکو ویدودو ملین۔ وزیراعظم شہباز شریف نال لبنان دے وزیراعظم نجیب میکاتی وی ملین۔ وزیراعظم انڈونیشیا دے صدر نال ملݨ ویلھے خوردنی تیل دی فوری ترسیل تے شکریہ ادا کیتے۔ وزیراعظم شہباز شریف تاجکستان دے صدر امام علی رحمن نال ملݨ ویلھے آکھیا جو تاجکستان دے صدر ایں سال دسمبر اچ پاکستان آسن۔ ملاقات اچ غیر ملکی رہنماواں پاکستان اچ سیلاب نال نقصانات تے افسوس کیتا۔ وزیراعظم شہباز شریف آکھیا جو موسمیاتی تبدیلیاں نال پورا ڄڳ متاثر تھیندا پئے، ایں سانڳے منفی اثرات ڳھٹاوݨ کیتے اجتماعی کوششاں کرݨیاں ہوسن۔
