شرم الشیخ۔8نومبر(اے پی پی)وزیر اعظم محمد شہباز شریف ”ماحولیاتی خطرات دے خلاف عالمی ڈھال“ اقدامات دی تعریف کریندے آکھیے جو ماحولیاتی تبدیلیاں دے منفی اثرات نال نٻڑݨ کیتے بین الاقوامی یکجہتی ودھیندے ہوئے ترقی پذیر ملکاں اچ مالی وسائل کوں متحرک کرݨ دی لوڑھ اے۔ اے ڳالھ انہاں کوپ۔ 27 دے سربراہ اجلاس اچ ”نقصانات اتے ضیان بارے اقدام اتے تعاون ودھاوݨ، ماحولیاتی خطرات دے خلاف عالمی ڈھال“ سانڳے گول میزکانفرنس اچ آکھی۔ گول میز کانفرنس اچ الیندے وزیر اعظم آکھیے جو پاکستان جھیں کمزور ترقی پذیر ملک پہلے ہی ماحولیاتی تبدیلی دے سنگین اتے تباہ کن اثرات وات ہین، پاکستان اچ سیلاب نال وݙی تباہی آئی اے اتے جانی و املی نقصان تھئے، سیلاب متاثرہ علاقیاں دی بحالی اتے متاثرین دی ٻھال ساݙی ترجیح اے، کوپ 27 دا نقصانات دے ازالے کیتے فنڈنگ انتظامات اتے ڳالھ مہاڑ ہک اہم پیش رفت اے۔ وزیر اعظم آکھیا جو مطلوبہ فنانسنگ سہولت کوں ترقی پذیر ملکاں اچ نقصان نال نمٹݨ دی لوڑھ اے، کوپ۔ 27 ایں سانڳے واضح اتے حتمی فیصلے دا موقع ݙتے۔
