مصر۔9نومبر (اے پی پی) وزیرخارجہ بلاول بھٹو زرداری اتے فرانس دی وزیر خارجہ کیتھرین کولونا وچال مصر اچ ملاقات تھئی۔ ملاقات اچ آپسی دلچسپی دے معاملیاں تے ڳالھ مہاڑ کیتی ڳی۔ وزیرمملکت برائے امور خارجہ حنا ربانی کھر وی ایں موقع تے موجود ہن۔ وزیر خارجہ بلاول بھٹو زرداری فرانس ولوں پاکستان دے چھل متاثرین دی مدد تے وزیر خارجہ کیتھرین کولونا دا شکریہ ادا کیتا۔ پاکستان اتے فرانس دے وزرائے خارجہ موسمیاتی تبدیلیاں دا مقابلہ کرݨ کیتے نال ٹرݨ تے اتفاق کیتا۔ بلاول بھٹو زرداری فرانس دے صدر ایمانوئیل میکرون دے موسمیاتی تبدیلیاں نال مقابلے کیتے اقدامات دی وی تعریف کیتی۔ ایں موقع تے فرانسیسی وزیر خارجہ موسمیاتی تبدیلیاں نال مقابلے کیتے پاکستان دی عالمی امداد بارے تعاون دا یقین ݙوایا۔
