اسلام آباد۔10نومبر(اے پی پی)وفاقی وزیر برائے تخفیف غربت و سماجی تحفظ شازیہ مری آکھیے جو پاکستان اچ تریمتیں کوں بااختیار ٻݨاوݨ ترجیح اے۔ اے ڳالھ انہاں آئس لینڈ اچ گلوبل فورم ویمن لیڈرشپ نال خطاب اچ آکھی۔ انہاں آکھیا جو پاکستان کوں ودھ مینھ پاروں وݙے چھل نال نقصان چاوݨا پئے، اے سانحہ تاریخی اے، پاکستان اچ اینڄھی صورتحال کݙاھیں نئیں رہی، 3 کروڑ 30 لکھ لوک بے گھر تھین، جیندے اچ 6 لکھ 50 ہزار حاملہ تریمتیں کوں زچگی سہولتاں دی لوڑھ اے۔ انہاں آکھیا جو پاکستان دے تقریباً 80 لکھ ٹٻر بی آئی ایس پی نال جڑیے ہوئن جنہاں کوں نقد امداد ݙتی ویندی پئی اے، بے نظیر انکم سپورٹ پروگرام(بی آئی ایس پی) توں لوکاں کوں غذائیت اتے تعلیم دی اڳونہی ݙیوݨ دی کوشش اے۔
