وزیراعظم پی ٹی آئی لانگ مارچ اچ مرݨ آلے لوکاں کیتے فی کس 50 لکھ روپے امداد دی منظوری ݙتی اے، وفاقی وزیر اطلاعات مریم اورنگزیب دا ٹویٹ

اسلام آباد۔10نومبر(اے پی پی)وفاقی وزیر اطلاعات و نشریات مریم اورنگزیب آکھیے جو وزیراعظم پی ٹی آئی لانگ مارچ اچ مرݨ آلے لوکاں کیتے فی کس 50 لکھ روپے امداد دی منظوری ݙتی اے۔ ہک ٹویٹ اچ انہاں آکھیے جو لانگ مارچ اچ وزیر آباد دے معظم گوندل، صحافی صدف نعیم، راہوالی دے سمیر نواز اتے لاہور دے حسن بلوچ فوت تھئے جیندے ورثا کوں 50، 50 لکھ روپے ݙتے ویسن۔ انہاں آکھا جووزیراعظم ضابطے دی کارروائی تیکھے مکمل کر تے فوت تھیوݨ آلیاں دے ورثا کوں چیک ݙیوݨ دی ہدایت کیتی اے۔