اسلام آباد۔11نومبر(اے پی پی)صدر مملک ڈاکٹر عارف علوی نیشنل ڈیفنس یونیورسٹی اچ 24 ویں نیشنل سکیورٹی ورکشاپ دے شرکا کوں اسناد ونݙین۔ آئی ایس پی آر آکھیے جو چار ہفتیاں دی ورکشاپ اچ سینیٹرز، اراکین قومی و صوبائی اسمبلیاں، بیوروکریٹس، سفیراں، مسلح افواج دے سینئر افسران دے نال نال سول سوسائٹی دے نمائنداں شرکتک کیتی۔ ورکشاپ دا مقصد قومی سلامتی و پاکستان کوں چیلنجز سانڳے سیکورٹی ماحول کوں سمڄھݨ اتے مختلف معاملیاں بارے آگاہی اے۔ صدر مملکت ڈاکٹر عارف علوی ورکشاپ دے مہمان خصوصی دے طور تے خطاب کریندے شرکاء کوں جامع قومی سلامتی بارے ورکشاپ دی تکمیل تے مبارکباد ݙتی۔ انہاں ملک دی ہر قسم دی قیادت کیتے نیشنل سیکیورٹی ورکشاپس کراوݨ سانڳے نیشنل ڈیفنس یونیورسٹی دے کردار دی تعریف کیتی۔
