اسلام آباد۔10دسمبر(اے پی پی):وزیر اعظم دے معاون خصوصی برائے تخفیف غربت وسماجی تحفظ و وزیر مملکت فیصل کریم کنڈی آکھیے جو کوئی معاشرہ انسانی حقوق دی پامالیاں برداشت نئیں کر سڳدا، انسانی حقوق دا تحفظ کہیں وی مہذب، انصاف پسند و خوشحال معاشرے دی ٻݨیاد اے۔ انسانی حقوق دے عالمی ݙینھ تے اپݨے سنیہے اچ انہاں آکھیا جو اڄ دے ݙینھ پوری پاکستانی قوم نا صرف ٻنھاں دے بنیادی انسانی حقوق دا احترام کرے اتے ایں سانڳے اپݨا ہر ممکن کردار ادا کرے۔ انہاں اڄ دے ݙینھ خواجہ سرا کمیونٹی کوں بے نظیر انکم سپورٹ پروگرام اچ رلݨ دے فیصلے دی تعریف کریندے اکھیے جو اے ایں محروم طبقہ دی بحالی کیتے ہک وݙا قدم اے، بے نظیر انکم سپورٹ پروگرام ہک ٻیا پروگرام وی ݙیندا پئے جیندے نال لوک اپݨا ڈیٹا اپ ڈیٹ کرا تے ایں پروگرام اچ رل سڳسن، وزارت تخفیف غربت و سماجی تحفظ انسانی حقوق دے تحفظ کیتے اڳیں آلی کار اپݨیاں کوششاں جاری رکھسی۔
