لاہور۔10 دسمبر(اے پی پی)وفاقی وزیر داخلہ رانا ثنا اللہ آکھیے جو عمران خان مذاکرات دی کوئی دعوت نئیں ݙتی، مذاکرات غیر مشورط ہوون تاں تیار ہیں، عمران خان چاہندن تاں اسمبلیاں وی تروڑ ݙیون، اساں الیکشن کرا ݙیسوں، مسلم لیگ ن محمد نواز شریف کوں آکھیے جو او آندی الیکشن مہم دی اڳواݨی کرن، آندے انتخابات اچ پنجاب اچ اکثریت نال حکومت ٻمیسوں۔ اے ڳالھ انہاں لاہور اچ انسداد منشیات عدالت اچ پیسی ویلھے میڈیا نال الیندے آکھی۔ انہاں آکھیا جو پی ٹی آئی اپݨی سیاست بچاوݨ کیتے ملک کوں نقصان پچاوݨ تے تلی ہوئی اے، سیاسی انتقام کیتے ٻݨائے ڳئے سارے کیسز مکݨے چاہیدن، شہباز گل دے خلاف کوئی سیاسی کیس نئیں، انہاں تے مقدمہ فساد اتے نفرت کھنݙاوݨ تے تھئے، اعظم سواتی دا معاملہ وی ایہو اے جو انہاں فوج اتے عدلیہ کوں نشانہ ٻݨائے، جیکر پی ٹی آئی رہنماواں تے سیاسی مقدمات ہوندے تاں انہاں کوں چار چار ݙینھ اچ ضمانتاں نا ملدیاں، او وی ساݙے آلی کار 3، 3 سال جیلاں ٻھگتن ہا۔
