اسلام آباد۔11دسمبر(اے پی پی)اسلامی تعاون تنظیم (او آئی سی ) دے سیکرٹری جنرل حسین براہیم طحہٰ اپݨے وفد دے کٹھے آزاد کشمیر اچ لائن آف کنٹرول دے علاقیاں اتے مہاجر کیمپاں دا دورہ کیتے۔ انہاں مظفرآباد اچ شہداء دی یادگار تے پھلاں دی چادر چڑھائی اتے لائن آف کنٹرول دے چکوٹھی سیکٹر ڳن۔ سیکرٹری جنرل کنٹرول لائن توں پار تھیوݨ آلی فائرنگ نال متاثرہ کشمیریاں دے ٹٻراں نال وی ملین اتے وطن کیتے قربانیاں ݙیوݨ تے انہاں کوں خراج تحسین پیش کیتا۔ انہاں متاثراں ٹٻراں کوں یقین ݙیوایا جو او آئی سی ہر سطح تے کشمیریاں دی آواز ٻݨسی اتے انہاں کوں کلہا نا چھوڑیا ویسی۔ ایں موقع تے وزیراعظم دے مشیر امور کشمیر و گلگت بلتستان قمر زمان کائرہ اتے ٻیاں اہم حکومتی شخصیات وی او آئی سی دے سیکرٹری جنرل دے نال ہن۔
