دوائیں دیاں قیمتاں تے کوئی سمجھوتہ نہ کریسوں ، عوام کوں ریلیف ݙیوݨ کیتے موثر اقدامات کریندے پیوں ،عبدالقادر پٹیل

اسلام آباد۔7فروری(اے پی پی) وفاقی وزیر قومی صحت عبدالقادر پٹیل آکھیے جو دوائیں دیاں قیمتاں تے کوئی سمجھوتہ نہ کریسوں ، حکومت عوام کوں ریلیف ݙیوݨ کیتے موثر اقدامات یقینی بݨیندی پئی اے ۔ وزارت صحت توں جاری بیان موجب وفاقی وزیر آکھیے دوائیں دیاں قیمتاں تے کوئی سمجھوتہ نہ کریسوں ۔ دوائیں دی بلاتعطل فراہمی یقینی بݨاوݨ کیتے سارے ضروری اقدامات یقینی بݨیندے پیوں ۔ انہاں آکھیے پی پی ایم اے اتے وزارت صحت دے حکام دی خمیس کوں 4وڄے کراچی اچ اہم اجلاس تھیسی جیں دا مقصد دوائیں دی بلاتعطل فراہمی کوں یقینی بݨاوݨاں اے ۔عبدالقادر پٹیل آکھیے حکومت عوام کوں ریلیف ݙیوݨ کیتے موثر اقدامات یقینی بݨیندی پئی اے۔ حکومت کوں عوامی مشکلات اتے مسئلیں دا پتہ اے ۔