وزیراعظم دی اڳواݨی اچ وفاقی کابینہ دا اجلاس، زلزلہ زدگان دی امداد کیتے ریلیف فنڈ قائم، وفاقی کابینہ ہک مہینے دی تنخواہ اتے گریڈ 18 توں 22 تئیں دے افسران ہک ݙینھ دی دی تنخواہ ݙیسن

اسلام آباد۔7فروری(اے پی پی)وفاقی کابینہ ترکیہ اچ آوݨ آلے خوفناک زلزلہ پاروں آفت وات تھیوݨ آلے متاثرین دا ہتھ ونݙاوݨ کیتے ریلیف فنڈ قائم کرݙتے، وفاقی کابینہ ہک مہینے دی تنخواہ اتے گریڈ 18 توں 22 تئیں دے افسران ہک ݙینھ دی دی تنخواہ ݙیسن۔ اے فیصلہ وزیراعظم محمد شہباز شریف دی اڳواݨی اچ تھیوݨ الے وفاقی کابینہ دے اجلاس اچ کیتا ڳئے۔ کابینہ ترکیہ اتے شام اچ زلالے نال کوفناک تباہی اتے وݙے جانی مالی ضیان تے افسوس کریندے مرݨ آلیاں دی مغفرت اتے زخمیاں دی تیکھے صحتیابی دی دعا کیتی۔ وزیراعظم آکھیا جو پاکستان اتے ترکیہ تکڑے سنڳتی اتے ٻھرا ملک ہین، ایں اوکھے ویلھے پاکستان ترکیہ دے نال اے، اساں امدادی ٹیماں اتے سمان وی ٻھڄیندے پئے ہیں تے میں آپ وی ترکیہ ویساں۔ وزیراعظم محمد شہباز شریف آکھیا جو قوم ودھ تے ترکیہ کیتے امدادی ریلیف فنݙ اچ حصہ پاوے، پاکستان ترکیہ دا پورا ہتھ ونݙیسی۔ وفاقی کابینہ صدر نیشنل بینک آف پاکستان دی تقرری کوں نویں سروں شروع کرݨ دی منظوری ݙتی ڄݙاں جو وزارت داخلہ ولوں ٻھیڄے گئے کریمنل لاز/ قانون فوجداری (ترمیمی) بل 2023 بارے ہک کابینہ کمیٹی وی ٻݨائی ڄیڑھی بل دے مسودے دا جائزہ ڳھن تے اپݨی رپورٹ آندے کابینہ اجلاس اچ پیش کریسی۔ کمیٹی اچ وفاقی وزیر داخلہ رانا ثنا اللہ، وفاقی وزیر قانون و انصاف اعظم نذیر تارڑ، وفاقی وزیر اقتصادی امور سردار ایاز صادق اتے وفاقی کابینہ اچ اتحادی جماعتاں دے نمائندے وی شامل ہوسن۔