حکومت صحت دے شعبے اچ اصلاحات یقینی بݨیندی پئی اے ،عبدالقادر پٹیل

اسلام آباد۔8فروری (اے پی پی):وفاقی وزیر قومی صحت عبدالقادر پٹیل آکھیے حکومت صحت دے شعبے اچ اصلاحات یقینی بݨیندی پئی اے ، پولی کلینک ہسپتال دے ریڈیالوجی ڈیپارٹمنٹ اچ 128 سلائس سی ٹی سکین لاݙتیاں ڳئن۔ وزارت صحت توں جاری بیان موجب وفاقی وزیر آکھیے پولی کلینک ہسپتال اچ انقلابی اقدامات دا سلسلہ شروع کرݙتے ۔ پولی کلینک ہسپتال دے ریڈیالوجی ڈیپارٹمنٹ اچ 128 سلائس سی ٹی سکین لاتیاں ڳئن ۔ انہاں آکھیے سٹیٹ آف آرٹ تھری ڈی میمو گرافی مشین وی انسٹال کرݙتی اے ، ایں توں کینسر دے تشخیصی نظام اچ ٻہوں بہتری آسی ، چھاتی دے کینسر دی اسکریننگ دی کمی پوری کرݙتی اے ۔ انہاں آکھیے حکومت جاپان دی مدد نال 1.5 ٹیسلا ایم آر آئی سکینر دی تنصیب کوں وختی ممکن بݨیندے پیوں ۔ انہاں آکھیے جو پولی کلینک ہسپتال دی توسیع دا کم جی الیون تھری اچ شروع تھی ڳئے ۔ توسیع دا کم ترائے سال اچ مکمل تھیسی ۔ وفاقی وزیر آکھیے سرکاری ہسپتالاں دی کارکردگی مزیز بہتر بݨاوݨ کیتے پرعزم ہیسے ۔ عبدالقادر پٹیل آکھیے پمز تے پولی کلینک ہسپتال اچ مریضاں دا ٻہوں رش اے۔ پولی کلینک ہسپتال سالانہ 40 لکھ توں ودھ مریضاں کوں مفت طبی سہولتاں ݙیندا پئے ۔