اڄوکی حکومت ملک ݙیوالہ تھیوݨ توں بچائے، الیکشن اپݨے ویلھ تے تھیسن، وفاقی وزیر اطلاعات و نشریات مریم اورنگزیب

اسلام آباد۔ 8فروری(اے پی پی)وفاقی وزیر اطلاعات و نشریات مریم اورنگزیب آکھیے جو وفاقی حکومت کݙاھیں انتخابات توں انکار نئیں کیتا، انتخابات اپݨے ویلھے تے ہی تھیسن جیڑھے الیکشن کمیشن کراوݨن۔ اسلام آباد اچ میڈیا نال الیندے انہاں آکھیا جو وفاقی حکومت کݙاھین نئیں آکھیا جو اساں الیکشن نا کرویسوں، الیکشن کراوݨ الیکشن کمیشن دی ذمہ واری اے، انتخابات اپݨے ویلھے تے ہی تھیسن۔ وفاقی وزیر اطلاعات آکھیا جو پاکستان اتے آئی ایم ایف دے مذاکرات تھیندے پن، کوشش اے جو اے مذاکرات پاکستان دے حق اچ ہوون، پروپیگنڈے نال کہیں دا فیدہ نئیں تھیوݨا۔ انہاں آکھیا جو آئی ایم ایف نال ایہو معاہدہ پہلے عمران خان دی حکومت مکا تے ڳئی ہئی، اڄوکی حکومت تاں ملک کوں ݙیوالہ تھیوݨ توں بچائے۔