وزیراعظم دی ہدایت تے دورہ امریکا منسوخ کیتے، آئی ایم ایف اجلاس اچ ورچوئل شرکت کریساں، وزیرخزانہ اسحاق ڈار

اسلام آباد۔8اپریل(اے پی پی)وفاقی وزیرخزانہ ومحصولات سینیٹرمحمداسحاق ڈار آکھیے جو وزیراعظم دی ہدایت تے دورہ امریکا منسوخ کر ݙتے، آئی ایم ایف اجلاس اچ ورچوئل شرکت کریساں، اللہ دے فضل نال کہیں غیر ملکی ادائیگی اچ دیر نئیں کیتی، پاکستان دی ہر مالیاتی ذمہ داری ویلھے تے پوری کیتی اے۔ کڄھ مہینے اچ بیرونی ادائیگیاں کیتے 11 ارب ڈالر ادا کرچکیے ہیں، ملکی مفادات کوں نقصان پچاوݨ آلے ابہام توں پرہیز کیتا ونڄے۔ میڈیا نال الیندے انہاں آکھیا جو میڈیا اچ میݙے آئی ایم ایف اجلاس اچ نا ونڄݨ بارے ابہام کھنݙایا ڳئے، میں اجلاس اچ ونڄݨا ہا ٻھل ہݨ ورچوئل شرکت کریساں، آئی ایم ایف اتے عالمی بینک دے سالانہ اجلاس باقاعدگی نال تھیندن، پاکستان ولوں عام طور تے وزیرخزانہ، گورنرسٹیٹ بینک، سیکرٹری خزانہ، سیکرٹری اقصادی امور یا وفاقی وزیراقتصادی امور شرکت کریندن، لازمی اجلاساں اچ ڄڳ دے 150 تئیں سیکرٹریز یا گورنرز سٹیٹ بینک ویندن۔