اسلام آباد۔10اپریل (اے پی پی):وفاقی وزیر ماحولیاتی تبدیلی سینیٹر شیری رحمان آکھیے اساں ساریں کوں آئین پاکستان دی پاسداری کریندے ہوئیں سارے پاکستانیاں کیتے ھک پر امن،خوشحال اتے مساوی معاشرے دی تعمیر کیتے رل تے کم کرݨ دی لوڑھ اے ۔ آئین پاکستان دی گولڈن جوبلی دے حوالے ںال آپݨے پیغام اچ وفاقی وزیر آکھیے جو میں آئین پاکستان دی گولڈن جوبلی (50 ویں سالگرہ) دے موقع تے اہل وطن کوں دلوں مبارخ ݙیندی ہاں ، آپݨے عظیم قائد تے آئین دے خالق شہید ذوالفقارعلی بھٹو اتے انہاں دے سارے ساتھیاں کوں خراج تحسین پیش کریندی ہاں جنہاں ایں تاریخی دستاویز کوں تیار کرݨ اچ کلیدی کردار ادا کیتے ۔ شیری رحمان آکھیے اے ساݙے ملک دی تاریخ دا اہم سنگ میل اے ۔ انہاں آکھیے اڄ دے ݙینھ شہید محترمہ بینظیر بھٹو، کارکنان اتے سارے جمہوریت پسند لوکاں کوں سلام پیش کریندی ہاں جنہاں آئین اتے جمہوریت دے ایں سفر اچ آپݨی جاناں دا نذرانہ پیش کیتے، میں صدر آصف زرداری اتے اتحادی حکومت دی شکرگزار ہاں جنہاں 2010 اچ 18ویں ترمیم پاس کرتے 73 دے آئین کوں بحال کیتا۔انہاں آکھیے اے شہید بھٹو دا آئین ہی ہے جیڑھا ساکوں آپت اچ جوڑی رکھیندے تے انڄ نی تھیوݨ ݙیندا ۔
