اسلام آباد۔12اپریل(اے پی پی) چیئرمین سینیٹ محمد صادق سنجرانی نال چینی سفارتخانے دے ترائے رکنی وفد پارلیمنٹ ہائوس اچ ملاقات کیتی۔ملاقات اچ ݙوطرفہ تعلقات سودھے سانجھی دلچسپی دے امور تے ڳالھ مہاڑ کیتی ڳئی ۔ وفد اچ چینی سفارتخانے دی ناظم الامور پینگ چن زوئے، پولیٹیکل کونسلر بائوڑونگ اتے تھرڈ سیکریٹری مس ڈونگ ونلی شامل ہن۔ چیئرمین سینیٹ تریجھی واری چین دا صدر منتخب تھیوݨ تے صدر شی جن …
چیئرمین سینیٹ نال چینی سفارتخانے دے ترائےرکنی وفد دی ملاقات
اسلام آباد۔12اپریل(اے پی پی) چیئرمین سینیٹ محمد صادق سنجرانی نال چینی سفارتخانے دے ترائے رکنی وفد پارلیمنٹ ہائوس اچ ملاقات کیتی۔ملاقات اچ ݙوطرفہ تعلقات سودھے سانجھی دلچسپی دے امور تے ڳالھ مہاڑ کیتی ڳئی ۔ وفد اچ چینی سفارتخانے دی ناظم الامور پینگ چن زوئے، پولیٹیکل کونسلر بائوڑونگ اتے تھرڈ سیکریٹری مس ڈونگ ونلی شامل ہن۔ چیئرمین سینیٹ تریجھی واری چین دا صدر منتخب تھیوݨ تے صدر شی جن پنگ، چینی حکومت اتے عوام کوں مبارخ ݙتی ۔چیئرمین سینیٹ خطے اچ امن دے قیام کیتے چین دیاں کاوشاں دی تعریف کیتی ۔انہاں آکھیے سعودی عر ب تے ایران دے درمیان بہتر تعلقات استوار کرݨ اچ چین ٻہوں کلیدی کردار ادا کیتے جیڑھے جو قابل ستائش اے۔ملاقات اچ انفارمیشن ٹیکنالوجی سودھے مختلف شعبیں اچ تعاون ودھاوݨ دی لوڑھ تے زور ݙیندے ہوئیں چیئرمین سینیٹ آکھیے ”سٹریٹجک تعاون شراکت داری“ پاک – چین تعلقات کوں نویاں بلندیاں تے گھن ویسی ، ݙوہیں ملکاں ہر طرح دے حالات اچ ھک ݙوجھے نال کھڑے رہیے تے ہر پلیٹ فارم تے ھک ݙوجھے کوں سپورٹ کیتے۔
