اسلام آباد۔13اپریل (اے پی پی) وزیراعظم محمد شہباز شریف آکھیا جو وزیرستان اتے فاٹا توں تعلق رکھݨ آلے ارکان قومی اسمبلی دے خدشات دی پوری شنوائی تھیسی۔ جمعے کوں ان کیمرہ اجلاس اچ بریفنگ ݙتی ویسی۔ خمیس کوں قومی اسمبلی اچ وزیرستان اتے فاٹا توں تعلق رکھݨ آلے ارکان دے نکتہ اعتراض دا جواب ݙیندیں ہوئیں وزیراعظم آکھیا جو یقین ݙوینداں جو انہاں دے خدشات تے انہاں دی ڳالھ تے پوری شنوائی تھیسی اتے انہاں کوں مطمئن کیتا ویسی۔ انہاں آکھیا جو پوری قومی اسمبلی کوں جمعے دے ݙینھ ان کیمرہ بریفنگ ݙتی ویسی۔ ارکان چاہون تاں او سوالات وی کر سڳسن۔
