
اسلام آباد۔13اپریل(اے پی پی)وفاقی وزیر اطلاعات و نشریات مریم اورنگزیب آکھیے جو تءجارتی اتے مالی خسارے اچ مسلسل کمی پاروں پاکستان معاشی تباہی دے اثرات توں نکلدا پئے، اپریل 2022 اچ حکومت سنبھالی ہئی تاں آئی ایم ایف پروگرام عمران حکومت دی وعدہ خلافی پاروں معطل ھا، اتے ملک ݙیوالہ تھیوݨ آلا ہا جیندی وجہ سابق حکومت دا ویندے ویندے فیول سبسڈی ݙیوݨ ہا۔ انہاں آکھیا جو پچھلے سال امپورٹس 80 ارب اتے برآمدات 31 ارب ڈالرز ہن، سابقہ حکومت تاریخ دا سب توں وݙا 49 ارب ڈالر تجارتی خسارہ ݙے تے ڳئی، ہر سال ریکارڈ بجٹ خسارہ تھیندا رہے، اڄ فیڈرل، ٹریڈ اتے کرنٹ اکائونٹ خسارے سودھا ملک دی معاشی صورتحال چنڳی تھیندی پئی اے، اساں سابقہ حکومت دا ڳھدا 20 ہزار ارب دا قرض ولا ݙیوݨ کیتے اقدامات کیتن، بے نظیر انکم سپورٹ پروگرام دا پیسہ ودھائے، غریب خانداناں کوں مفت اٹا ݙیندے پئے ہیں۔