تریمتاں کوں بااختیار بݨائے بغیرپائیدار ترقی دے اہداف حاصل نی کیتے ونڄ سڳدے ، سپیکر قومی اسمبلی  دا سیمینار توں خطاب

اسلام آباد۔5جون  (اے پی پی):سپیکر قومی اسمبلی راجہ پرویز اشرف آکھیے ملک دی ترقی اچ تریمتاں دا کردار کلیدی اہمیت دا حامل اے، پائیدار ترقی دے اہداف تریمتاں کوں بااختیار بݨائے بغیر حاصل نی کیتے ونڄ سڳدے ، آئین واحد دستاویز اے جیں ملک دی ساریان اکائیاں کوں جوڑ رکھیے ۔ سنوار کوں او  ” تریمتاں دے حقوق دے تناظر اچ آئین پاکستان دے مطالعہ” دے عنوان توں منعقدہ سیمینار توں خطاب کریندے پئے ہن ۔ سپیکر کامیاب سیمینار تے سیکرٹری پارلیمانی خواتین کاکس ڈاکٹر شاہدہ رحمانی کوں مبارخ ݙتی تے آکھیے ایں سیمینار اچ شرکت میں کیتے باعث افتخار اے۔نصف توں ودھ آبادی کوں نظر انداز کر تے ملکی ترقی دا خواب شرمندہ تعبیر نی تھی سڳدا ۔دنیا اچ جیں ملک ترقی کیتی اوندے ہر طبقے بلا تفریق ایں سفر اچ اپݨا کردار ادا کیتے۔جݙاں تئیں پارلیمان اچ بݨݨ آلے قوانین تے عمل درآمد کوں یقینی نی بݨایا ویندا تاں ایندے اثرات نظر نی آسڳدے ۔ راجہ پرویز اشرف آکھیے تریمتاں ہݨ ہر شعبے اچ اپݨا موثر کردار ادا کریندیاں پئن ۔ پاکستان دی پارلیمان اچ موجود تریمتاں زیادہ متحرک کردارادا کریندیاں پئن  ۔انہاں آکھیے میکوں ایں ڳالھ تے فخر اے جو میݙی سیاسی تربیت شہید محترمہ بے نظیر بھٹو کیتی اے ۔ انہاں توں اساں صبر، برداشت اتے تحمل سکھیا۔