الیکشن کمیشن رجسٹرڈ ووٹرز دی تفصیل جاری کرݙتی، ملک اچ   ووٹرز دی تعداد 12 کروڑ 59 لکھ 63 ہزار 598 تھی گئی

اسلام آباد۔7جون(اے پی پی) الیکشن کمیشن 31 مئی 2023 تئیں رجسٹرڈ ووٹرز دی تفصیل جاری کرݙتی اے اتے ملک اچ ووٹرز دی تعداد 12 کروڑ 59 لکھ 63 ہزار 598 تھی گئی۔ الیکشن کمیشن آکھیے جو ملک اچ مرد ووٹرز دی تعداد 6 کروڑ 80 لکھ 48 ہزار 816 اتے خواتین ووٹرز دی تعداد 5 کروڑ 79 لکھ 14 ہزار 762 اے۔ مرد ووٹرز دا تناسب 54.02 فیصد اتے خواتین ووٹرز دا تناسب 45.98 فیصد اے۔ پنجاب اچ رجسٹرڈ ووٹرز دی تعداد 7 کروڑ 16 لکھ 6 ہزار 379 اے۔