اسلام آباد۔7جون(اے پی پی)وزیرِ اعظم محمد شہباز شریف خیبر پختونخوا دے انضمام شدہ اضلاع کیتے جامع ترقیاتی پیکیج دی ہدایت کیتی اے۔ او سابق رکن قومی اسمبلی شاہ گل آفریدی دی اڳواݨی اچ انضمام شدہ اضلاع دے سیاسی رہنماواں دے 7 رکنی وفد نال الیندے پئے ہن۔ ملاقات اچ وفاقی وزیرِ پارلیمانی امور مرتضیٰ جاوید عباسی، مشیر وزیرِ اعظم انجینئر امیر مقام اتے متعلقہ اعلیٰ حکام وی موجود ہن۔ وفد …
وزیرِ اعظم نال سابق رکن قومی اسمبلی شاہ گل آفریدی دی اڳواݨی اچ انضمام شدہ اضلاع دے اڳواݨاں دی ملاقات
اسلام آباد۔7جون(اے پی پی)وزیرِ اعظم محمد شہباز شریف خیبر پختونخوا دے انضمام شدہ اضلاع کیتے جامع ترقیاتی پیکیج دی ہدایت کیتی اے۔ او سابق رکن قومی اسمبلی شاہ گل آفریدی دی اڳواݨی اچ انضمام شدہ اضلاع دے سیاسی رہنماواں دے 7 رکنی وفد نال الیندے پئے ہن۔ ملاقات اچ وفاقی وزیرِ پارلیمانی امور مرتضیٰ جاوید عباسی، مشیر وزیرِ اعظم انجینئر امیر مقام اتے متعلقہ اعلیٰ حکام وی موجود ہن۔ وفد انضمام شدہ اضلاع کوں قومی دھارے اچ رلاوݨ کیتے اقدامات دی تعریف کیتی اتے امید کیتی جو ایندے نال علاقے اچ ترقی و خوشحالی دے نویں در کھلسن۔ وفد اپݨے علاقیاں دے مسلے وی ݙسائے اتے علاقے دے نال جڑی سرحد تجارت ودھاوݨ دے اقدامات دا آکھیے جو مقامی لوکاں دا فیدہ تھیوے۔ وزیرِ اعظم وفد دیاں تجویزاں دا خیر مقدم کریندے مسلیاں دے حل دا یقین ݙیوائے اتے متعلقہ حکام کوں ضم شدہ اضلاع کیتے خصوصی ترقیاتی پیکیج ٻݨاوݨ دی ہدایت کیتی۔
