اقتصادی ترقی دی شرح نمو 0.29  فیصد اتے معیشت دا حجم 27.1 فیصد ودھیے، قومی اقتصادی سروے

اسلام آباد۔8جون(اے پی پی)قومی اقتصادی سروے 2022-23 موجب اڄوکے مالی سال اقتصادی ترقی دی شرح نمو 0.29  فیصد رہی ڄݙاں جو معیشت دے حجم اچ 27.1 فیصد ودھارا تھئے۔ اجوکے مالی سال زرعی شعبہ دی شرح نمو 1.55 فیصد، صنعتی ترقی دی شرح نمو  منفی2.94 فیصد، مینوفیکچرنگ دی شرح نمو منفی3.91 فیصد، شعبہ تعمیرات دی شرح نمو منفی 5.53 فیصد، بجلی، گیس، پاݨی سودھا انڈسٹری دے ذیلی شعباں اچ شرح نمو 6 فیصد رہی۔ خدمات دے شعبے اچ ترقی دی شرح 0.86 فیصد رہی۔ ہول سیل اینڈ ریٹیل ٹریڈ دی شرح نمو -4.46 فیصد رہی۔ ٹرانسپورٹ اینڈ سٹوریج دے شعبہ اچ ترقی دی شرح 4.73 فیصد، رہائش و خوراک دے شعبہ سانڳے خدمات اچ ترقی دی شرح 4.11 فیصد رہی۔ انفارمیشن ٹیکنالوجی اینڈ کمیونیکیشن دی شرح نمو 6.93 فیصد رہی ڄیڑھی پچھلے مالی سال 16.32 فیصد ہئی۔ معیشت دا حجم 27.1 فیصد ودھیے جیڑھا 84658 ارب روپے رہے اتے اے پچھلے مالی سال 66624 ارب روپے ھا۔  فی کس آمدنی 1568 ڈالر رہی ڄیڑھی پچھلے مالی سال 1765  ڈالر ہئی۔ جی ڈی پی دی شرح نمو اچ وی کمی تھئی اے ٻھل مجموعی سرمایہ کاری 10.2 فیصد ودھی اے ڄیڑھی پچھلے سال 29.1 فیصد ودھی ہئی۔ قومی بچت اچ 44.7 فیصد ودھارا تھئے۔ قومی بچت جی ڈی پی دا 12.6 فیصد اے۔