چینی بینک 2.4 ارب ڈالر دے قرضیاں کوں ݙو سالیں کیتے رول اوور کر ݙتے، وزیرخزانہ دا ٹویٹ

اسلام آباد۔27جولائی  (اے پی پی)وفاقی وزیرخزانہ تےمحصولات سینیٹرمحمداسحاق ڈارآکھیا جو چین دے ایگزم بینک  2.4 ارب ڈالر دے قرضیاں کوں ݙو سالیں کیتے رول اوور کر ݙتے۔ خمیس کوں اپݨے ٹویٹ اچ انہاں آکھیا جو ݙوہیں قرضے اگلے ݙو مالی سالیں اچ ݙیوݨن۔وزیرخزانہ آکھیا جو ایگزم بینک مالی سال 2024 کیتے 1.2 ارب ڈالر اتے مالی سال 2025 کیتے 1.2 ارب ڈالر دے قرضیاں کوں روول اوور کیتے ۔ پاکستان ݙوہیں سالیں اچ صرف قرضیاں تے سود ݙیسی۔