راولپنڈی۔30جولائی(اے پی پی):وفاقی وزیر اطلاعات و نشریات مریم اورنگزیب آکھیے جو ریڈیو پاکستان ڄھیں ادارے صرف عمارتاں نئیں ساݙا قومی ترکہ ہین، نیشنل براڈ کاسٹرز پورے ڄق اچ ساݙی سنڄاݨ ہین، ساݙا مقصد قومی اداریاں کوں پاکستان دی سنڄاݨ ٻݨاوݨ اے، ریڈیو پاکستان دی تاریخ اچ پہلی واری 1000 کلو واٹ ڈیجیٹل ڈی آر ایم میڈیم ویو ٹرانسمیٹر لڳݨ نال 52 توں ودھ ملکاں اچ ریڈیو دی نشریات ویسن۔ اے …
ریڈیو پاکستان ڄھیں ادارے صرف عمارتاں نئیں ساݙا قومی ترکہ ہین، وزیر اطلاعات مریم اورنگزیب
راولپنڈی۔30جولائی(اے پی پی):وفاقی وزیر اطلاعات و نشریات مریم اورنگزیب آکھیے جو ریڈیو پاکستان ڄھیں ادارے صرف عمارتاں نئیں ساݙا قومی ترکہ ہین، نیشنل براڈ کاسٹرز پورے ڄق اچ ساݙی سنڄاݨ ہین، ساݙا مقصد قومی اداریاں کوں پاکستان دی سنڄاݨ ٻݨاوݨ اے، ریڈیو پاکستان دی تاریخ اچ پہلی واری 1000 کلو واٹ ڈیجیٹل ڈی آر ایم میڈیم ویو ٹرانسمیٹر لڳݨ نال 52 توں ودھ ملکاں اچ ریڈیو دی نشریات ویسن۔ اے ڳالھ انہاں راولپنڈی دے علاقے روات اچ ریڈیو پاکستان دے 1000 کلو واٹ ڈیجیٹل ڈی آر ایم میڈیم ویو ٹرانسمیٹر دا منݙھ ٻڈھݨ دی تقریب نال خطاب اچ آکھی۔ ایں موقع تے وفاقی سیکرٹری اطلاعات سہیل علی خان، ڈائریکٹر جنرل ریڈیو پاکستان طاہر حسن سودھا ٻئے حکام وی موجود ہن۔ انہاں ایں تاریخی موقع کوں ہک سنگ میل قرار ݙیندے آکھیے جو ریڈیو پاکستان کوں ڈیجیٹل آر ایم میڈیم ویو ٹرانسمیٹر دی ودھ لوڑھ ہئی، ایں ٹیکنالوجی دے آوݨ نال ریڈیو پاکستان پراݨے اینالاگ اتے شارٹ ویو ٹیکنالوجی دے دور توں نکل تے جدید دور اچ آڳئے، ریڈیو پاکستان دے میڈیم ویو دے 20 ٹرانسمیٹرز اچوں 14 ٹرانسمیٹرز اپݨی طبعی عمر پوری کر چکین، ڈیجیٹل ریڈیو منڈیال ٹیکنالوجی نال بجلی دے استعمال اچ و 30 توں 40 فیصد بچت تھیسی اتے کارکردگی وی ودھسی۔ انہاں آکھیا جو ریڈیو پاکستان دا سارا نیشنل آرکائیو وی ڈیجیٹل تھی ڳعے جیندا تیکھے وزیراعظم شہباز شریف افتتاح کریسن۔
