پنجاب کابینہ ڳھٹ توں ڳھٹ اجرت 32 ہزار روپے کرݨ دی منظوری ݙے ݙتی

ملتان۔ 11 ستمبر (اے پی پی) پنجاب کابینہ ڳھٹ توں ڳھٹ اجرت 32 ہزار روپے کرݨ دی منظوری ݙے ݙتی اے۔نگران وزیراعلیٰ پنجاب محسن نقوی دی صدارت پنجاب کابینہ دا اجلاس ملتان اچ تھیا جئیں اچ 39 نکاتی ایجنڈے تے غور کیتا ڳئیا۔ اجلاس اچ صوبائی وزرا مشیراں ،سیکرٹریز دے علاوہ آئی جی پنجاب اتے ٻئے حکام وی شریک تھیے۔ وزیراعلیٰ پنجاب ورکرز دی ڳھٹ توں ڳھٹ اجرت 32 ہزار روپے کرݨ دی منظوری ݙے ݙتی اتے فوری نوٹیفیکیشن کرݨ دا حکم وی ݙے ݙتا۔