اسلام آباد۔30ستمبر (اے پی پی) سپیکر قومی اسمبلی تے سابق وزیر اعظم راجہ پرویز اشرف دی مستونگ، ہنگو اچ خود کش دھماکے اتے ژوب اچ پاک،افغان باڈر تے دہشتگرداں دے حملے دی مذمت کیتی اے۔ سپیکر پاک،افغان باڈر تے دہشتگرداں نال جھڑپ اچ فوجی جواناں دی شہادت اتے مستونگ، ہنگو اچ خود کش دھماکیاں اچ جانی ضیان تے ݙکھ تے افسوس کیتا۔ قومی اسمبلی سیکرٹریٹ توں جاری بیان موجب سپیکر …
سپیکر قومی اسمبلی تے سابق وزیر اعظم راجہ پرویز اشرف دی مستونگ، ہنگو اچ خود کش دھماکے اتے ژوب اچ پاک،افغان باڈر تے دہشتگرداں دے حملے دی مذمت
مزید خبراں
اسلام آباد۔30ستمبر (اے پی پی) سپیکر قومی اسمبلی تے سابق وزیر اعظم راجہ پرویز اشرف دی مستونگ، ہنگو اچ خود کش دھماکے اتے ژوب اچ پاک،افغان باڈر تے دہشتگرداں دے حملے دی مذمت کیتی اے۔ سپیکر پاک،افغان باڈر تے دہشتگرداں نال جھڑپ اچ فوجی جواناں دی شہادت اتے مستونگ، ہنگو اچ خود کش دھماکیاں اچ جانی ضیان تے ݙکھ تے افسوس کیتا۔ قومی اسمبلی سیکرٹریٹ توں جاری بیان موجب سپیکر عید میلادالنبی ﷺ دے مقدس ݙینھ دے موقع تے انہاں واقعیاں کوں دہشت گردی دی بدترین کاروائی اتے گھناؤنا فعل قرار ݙتا۔ انہاں آکھیا جو عید میلادالنبی ﷺ دے موقع تے مسیت اچ بے گناہ اتے معصوم شہریاں کوں نشانہ ٻݨاوݨ ٻہوں بزدلانہ حرکت اے۔ سپیکر اللہ تعالیٰ توں سکیورٹی فورسز دے اہلکاراں اتے دھماکیاں اچ شہید تھیوݨ آلے شہیداں دے درجات دی بلندی، زخمیاں دی جلدی صحت یابی اتے انہاں دے ٹبراں کیتے صبر دی دعا کیتی۔
