مستونگ اتے ہنگو اچ دہشتگرد حملیاں ملک دے ٻئے علاقیاں اچ تھیوݨ آلے واقعیاں دے زخم تازہ کر ݙتن۔ انوارالحق کاکڑ

اسلام آباد۔30ستمبر  (اے پی پی) نگراں وزیراعظم انوارالحق کاکڑ آکھیا جو مستونگ اتے ہنگو اچ دہشتگرد حملیاں ملک دے ٻئے علاقیاں اچ تھیوݨ آلے واقعیاں دے زخم تازہ کر ݙتن۔ جمعے کوں آپݨے ٹویٹ اچ انہاں آکھیا جو شہید تھیوݨ آلیاں دی مغفرت اتے زخمیاں دی جلدی شفاء یابی کیتے دعا کریندوں۔ انہاں آکھیا جو چھیکڑی دہشت گرد دے خاتمے تئیں دہشت گردی دے خلاف اساݙی جنگ جاری رہسی۔