نگران وفاقی وزیر اطلاعات مرتضیٰ سولنگی نال نگران وزیر داخلہ سرفراز بگٹی دی ملاقات،حالیہ بم دھماکیں اچ قیمتی جانی ضیان تے ݙکھ تے افسوس ، صاف، شفاف اتے غیر جانبدارانہ انتخابات کراوݨ اچ الیکشن کمیشن دی بھرپور معاونت دا عزم

اسلام آباد۔2اکتوبر(اے پی پی) نگران وفاقی وزیر اطلاعات و نشریات مرتضیٰ سولنگی نال نگران  وزیر داخلہ سرفراز بگٹی ملاقات کیتی اے ۔ ملاقات اچ امن و امان دی صورتحال سودھے سانجھی دلچسپی دے امور تے ڳالھ مہاڑ کیتی ڳئی ۔ وزارت اطلاعات آمد تے نگران وفاقی وزیر اطلاعات نگران  وزیر داخلہ سرفراز بگٹی دا خیرمقدم کیتا۔ ݙوہیں وزرا اڄوکے بم دھماکیں اچ قیمتی جانی ضیان تے افسوس کریندے ہوئیں آکھیے جو دہشت گرداں تے انہاں دے سہولت کاراں کیتے پاکستان اچ کوئی جاہ کائنی ۔ ملاقات اچ انتخابات دے حوالے نال نگراں حکومت دی الیکشن کمیشن نال معاونت متعلق وی ڳالھ مہاڑ تھئی۔ نگران وفاقی وزرا آکھیے ملک اچ عام انتخابات دے انعقاد دی آئینی ذمہ واری اچ الیکشن کمیشن دی ہر ممکن معاونت کریسوں ۔ ایں موقع تے نگران وفاقی وزیر اطلاعات آکھیے امن و امان دا قیام حکومت دی ذمہ واری اے، ساݙا فرض ملک اچ صاف، شفاف اتےغیر جانبدارانہ انتخابات کراوݨ اچ الیکشن کمیشن دی معاونت کرݨا اے۔