نگراں وزیراعظم دی صدارت نیشنل ایکشن پلان دی ایپکس کمیٹی دا اجلاس ، غیر قانونی طور غیر ملکیاں کوں کݙھݨ، غیر قانونی ملکی لوکاں دی تجارت اتے پراپرٹی دے خلاف سخت کاروائی دا فیصلہ

اسلام آباد۔3اکتوبر  (اے پی پی) نیشنل ایکشن پلان دی ایپکس کمیٹی پاکستان اچ غیر قانونی طور غیر ملکیاں کوں کݙھݨ، غیر قانونی ملکی لوکاں دی تجارت اتے پراپرٹی دے خلاف سخت کاروائی دا فیصلہ کیتے جڈانجو جعلی شناختی کارڈز، کاروبار اتے پراپرٹی دی پڑتال کیتے وزارت داخلہ دے تحت ہک ٹاسک فورس ٻݨا ݙتی ڳئی اے۔ نگراں وزیراعظم انوار الحق کاکڑ دی سربراہی اچ نیشنل ایکشن پلان دی ایپکس کمیٹی دا اجلاس منگل کوں تھیا۔ اجلاس اچ چیف آف آرمی سٹاف، متعلقہ وفاقی وزراء، صوبائی وزراء اعلیٰ اتے قانون نافذ کرݨ آلے سارے سول تے عسکری اداریاں دے سربراہان ہکی چھت تلوں موجود ہن۔ جاری تھئی پریس ریلیز موجب شرکاء ملکی داخلی سکیورٹی صورتحال دا جائزہ ڳھدا۔ اجلاس اچ کیتے ڳئے اہم فیصلیاں اچ پاکستان اچ غیر قانونی رہݨ آلے غیر ملکیاں کوں کݙھݨ، بارڈر تے آ ونڄ دے طریقہ کار کوں ہک دستاویز دی صورت منظم کرݨ، اتے غیر قانونی غیر ملکی لوکاں دی تجارت اتے پراپرٹی دے خلاف سخت کاروائی کرݨ شامل ہن۔ وزارت داخلہ دے تحت ہک ٹاسک فورس وی ٻݨا ݙتی ڳئی اے جیڑھی جو جعلی شناختی کارڈز، کاروبار اتے پراپرٹی دی پڑتال کریسی۔ فورم ودھدے ہوئے غیر قانونی کم منشیات سمگلنگ، ذخیرہ اندوزی، کھاوݨ پیوݨ دی شہیں اتے کرنسی دی سمگلنگ، غیرقانونی رقم ٻھیجݨ اتے بجلی چوری) تے جاری کاروائیاں کوں ٻیا ودھاوݨ دا فیصلہ کیتا۔