خلاء اچ روانگی دے حوالے نال ٹریننگ دے پہلے ݙینھ اسپیس سوٹ اتے پیرا شوٹ سدھے طریقے نال فٹ کرݨ دا سکھیا ، پاکستان دی پہلی خلاءباز تریمت نمیرہ سلیم دی خلاء اچ روانگی توں پہلے ڳالھ مہاڑ

اسلام آباد۔4اکتوبر(اے پی پی) پاکستان دی پہلی خلا باز تریمت نمیرہ سلیم آکھیے انہاں خلاء اچ روانگی دے حوالے نال ٹریننگ دے پہلے ݙینھ اسپیس سوٹ اتے پیرا شوٹ سدھے طریقے نال فٹ کرݨ دا سکھیے۔اساکوں اسپیس شپ اچ سیٹاں دی فعالیت اتے آپݨی سیٹ بیلٹ ٻدھݨ تے کھولݨ بارے سکھیا ڳئے ۔ خلاءاچ روانگی توں پہلے آپݨی ٹریننگ متعلق ڳالھ مہاڑ کریندے ہوئیں انہاں آکھیے جو اساکوں سکھایا ڳئے جو اساں کیویں صفر کشش ثقل تے اپݨی نشست توں اٹھ سڳسوں ۔  کل اساں کنے پاس ٹریننگ دا ھک ٻیان دلچسپ ݙینھ اے ۔ واضح رہے جو نمیرہ سلیم پاکستان دی پہلی تریمت ہن جنہاں قطبین تے پڄݨ دا اعزاز وی ملیے ۔ نمیرہ سلیم 21 اپریل 2007ءکوں قطب شمالی اتے 8 جنوری 2008ءکوں قطب جنوبی اچ پاکستان دا پرچم لہرا چکن۔ نمیرہ سلیم خلاءاچ روانگی توں پہلے گزریل مہینے نگران وفاقی وزیر اطلاعات مرتضیٰ سولنگی نال وی ملاقات کیتی ہئی تے انہاں کوں آپݨے خلائی سفر تے روانگی متعلق تیاریاں دا ݙسایا ہئی ۔ نمیرہ سلیم خلاءاچ پاکستانی پرچم اُچا کرݨ دا عزم رکھیندن ۔