نگران وزیر اعظم  انوار الحق کاکڑ اتے بل اینڈ میلنڈا گیٹس فاؤنڈیشن دے شریک چیئرمین دا ٹیلی فونک رابطہ، پاکستان توں پولیو مکاوݨ کیتے کٹھے کم جاری رکھݨ تے اتفاق

ابوظہبی۔28نومبر(اے پی پی)نگران وزیر اعظم انوار الحق کاکڑ ملک کوں پولیو توں پاک کرݨ دا عزم دوہریندے آکھیے جو حکومت ہک صحت مند اتے محفوظ پاکستان چاہندی اے جیندے کیتے بل اینڈ میلنڈا گیٹس فائونڈیشن ڄھیں ساڄھے دار وݙا ہتھ ونݙا سڳدن۔ اے ڳالھ انہاں بل اینڈ میلنڈا گیٹس فاؤنڈیشن (بی ایم جی ایف ) دے شریک چیئرمین بل گیٹس نال ٹیلی فون تے الیندے آکھی۔ انہاں پاکستان توں پولیو مکاؤݨ سانڳے کوششاں تے الایا۔ وزیراعظم پولیو مکاوݨ کیتے پاکستان اچ گیٹس فاؤنڈیشن دے کردار دی تعریف کیتی اتے پاکستان اچ جاری پولیو مہم دا ݙسایا۔ انہاں غذائی قلت دے مسائل اتے ماں و بچہ دی صحت دے مسلیاں تے وی الایا۔