اسلام آباد۔29نومبر(اے پی پی)نگراں وزیر تجارت ڈاکٹر گوہر اعجاز کویت انویسٹمنٹ اتھارٹی دے اعلیٰ عہدیداراں نال ملاقات کیتی اے ۔ ملاقات اچ سرمایہ کاری اچ تعاون ودھاوݨ دے ذریعے پاکستان اتے کویت وچال اقتصادی تعلقات کوں تکڑا کرݨ تے ݙوپاسے تجارت ودھاوݨ تے توجہ ݙتی ڳئی اے ۔ملاقات اچ نگراں وزیر گوہر اعجاز کویت دے ساریں توں وݙے سرکاری فنڈز اتے اقتصادی ترقی دے اداریں دے سی ای اوز …
نگران وزیر تجارت ڈاکٹر گوہر اعجاز دی کویت انویسٹمنٹ اتھارتی دے اعلیٰ عہدیداراں نال ملاقات
مزید خبراں
اسلام آباد۔29نومبر(اے پی پی)نگراں وزیر تجارت ڈاکٹر گوہر اعجاز کویت انویسٹمنٹ اتھارٹی دے اعلیٰ عہدیداراں نال ملاقات کیتی اے ۔ ملاقات اچ سرمایہ کاری اچ تعاون ودھاوݨ دے ذریعے پاکستان اتے کویت وچال اقتصادی تعلقات کوں تکڑا کرݨ تے ݙوپاسے تجارت ودھاوݨ تے توجہ ݙتی ڳئی اے ۔ملاقات اچ نگراں وزیر گوہر اعجاز کویت دے ساریں توں وݙے سرکاری فنڈز اتے اقتصادی ترقی دے اداریں دے سی ای اوز نال ڳالھ مہاڑ کیتی ۔ ملاقات اچ ݙوہیں ملکاں وچال سرمایہ کاری دی شراکت داری ودھاوݨ دے رستے ڳولیے ڳئن جیندے اچ سانجھے طور تے فیدہ مند تعاون دے عزم دا اظہار کیتا ڳئے ۔ نگراں وزیر زراعت، کان کنی، پیٹرو کیمیکلز، اسٹیل، اتے تیل، گیس اتے ٻئے قدرتی وسائل ڳولݨ سودھے مختلف شعبیں اچ موقع کھولݨ سانڳے پاکستان دی حکمت عملی دا خاکہ پیش کیتے۔ انہاں آئی ٹی سیکٹر کیتے تکنیکی تربیت، صنعت، گھریلو تجارت اتے برآمدات اچ سرمایہ کاری دے دروازے کھولݨ تے زور ݙتے ۔ سرمایہ کاری سوکھی بݨاوݨ تے ہموار کرݨ کیتے نگراں وزیر سرمایہ کاراں دیاں ضرورتاں کوں موثر طریقے نال پورا کرݨ سانڳےایندے ون ونڈو اپروچ تے زور ݙیندے ہوئیں خصوصی اسپیشل انویسٹمینٹ فسیلیٹیشن کونسل (SIFC) تے روشنی پاتی ۔
