اسلام آباد۔29نومبر (اے پی پی) صدر مملکت ڈاکٹر عارف علوی آکھیا جو پاکستان اقوام متحدہ اتے او آئی سی دی متعلقہ قرارداداں دے مطابق فلسطینیاں دے ناقابل تنسیخ حق ِخودارادیت دا حامی اے۔ اسرائیل دے اڄوکے وحشیانہ اتے اندھا دھند جارحیت دے نتیجے اچ تقریباً 15,500 فلسطینی شہید تھی ڳئن۔ فلسطین اچ وݙی تعداد ٻالاں اتے تریمتیں دی اے۔ 37 ہزار توں ودھ لوک زخمی تھی ڳئن۔ فلسطینی عوام نال …
پاکستان اقوام متحدہ اتے او آئی سی دی متعلقہ قرارداداں دے مطابق فلسطینیاں دے ناقابل تنسیخ حق ِخودارادیت دا حامی اے، صدر مملکت ڈاکٹر عارف علوی
مزید خبراں
اسلام آباد۔29نومبر (اے پی پی) صدر مملکت ڈاکٹر عارف علوی آکھیا جو پاکستان اقوام متحدہ اتے او آئی سی دی متعلقہ قرارداداں دے مطابق فلسطینیاں دے ناقابل تنسیخ حق ِخودارادیت دا حامی اے۔ اسرائیل دے اڄوکے وحشیانہ اتے اندھا دھند جارحیت دے نتیجے اچ تقریباً 15,500 فلسطینی شہید تھی ڳئن۔ فلسطین اچ وݙی تعداد ٻالاں اتے تریمتیں دی اے۔ 37 ہزار توں ودھ لوک زخمی تھی ڳئن۔ فلسطینی عوام نال یکجہتی دے ݙینھ دے موقع تے آپݨے سنیھے اچ صدر مملکت ڈاکٹر عارف علوی آکھیا جو اڄ دے ݙینھ فلسطینی کاز کیتے پاکستان دی مسلسل اتے غیر متزلزل حمایت دا اعادہ کرینداں۔ پاکستان جون 1967ء توں پہلے دی سرحداں نال ہک آزاد ، خود مختار اتے جغرافیاتی طور تے متصل فلسطینی ریاست دی حمایت کریندے۔
