اسلام آباد۔30نومبر (اے پی پی):نگران وفاقی وزیر قومی صحت ڈاکٹر ندیم جان آکھیے صحت مند ٻال خوشحال معاشرے دی ضمانت ہن، انتظامیہ ٻالاں دی ویکسی نیشن کوں یقینی بݨاوے تاں جو کوئی وی ٻال پولیو توں بچاوݨ دے قطرے پیوݨ توں محروم نہ رہے ، پولیومکاوݨ ساݙے قومی وقار دا مسئلہ اے۔ اے ڳالھ انہاں آپݨے دورہ میانوالی دے موقع تے آکھی اے ۔ انہاں قومی پولیو مہم دی کارکردگی …
انتظامیہ ٻالاں دی ویکسی نیشن یقینی بݨاوے،نگران وفاقی وزیر قومی صحت
مزید خبراں
اسلام آباد۔30نومبر (اے پی پی):نگران وفاقی وزیر قومی صحت ڈاکٹر ندیم جان آکھیے صحت مند ٻال خوشحال معاشرے دی ضمانت ہن، انتظامیہ ٻالاں دی ویکسی نیشن کوں یقینی بݨاوے تاں جو کوئی وی ٻال پولیو توں بچاوݨ دے قطرے پیوݨ توں محروم نہ رہے ، پولیومکاوݨ ساݙے قومی وقار دا مسئلہ اے۔ اے ڳالھ انہاں آپݨے دورہ میانوالی دے موقع تے آکھی اے ۔ انہاں قومی پولیو مہم دی کارکردگی دا جائزہ گھنݨ کیتے خانہ بدوش وستی دے دورہ دے دوران والدین توں پولیو ٹیماں دی طرفوں پلائے ڳئے قطریں بارے پچھیا ۔وزیر صحت ٻالاں دے روشن مستقبل سانڳے پولیو ٹیماں نال بھرپور تعاون کرݨ دی درخواست کیتی ۔انہاں آکھیے صحت مند ٻال خوشحال معاشرے دی ضمانت ہن ، انتظامیہ ٻالاں دی ویکسی نیشن یقینی بݨاوے تاں جو کوئی وی ٻال پولیو توں بچاوݨ دے قطرے پیوݨ توݨ محروم نہ رہے ۔ انہاں آکھیے میں خود پولیو مہم دی مانیٹرنگ کریساں۔
