موسمیاتی تبدیلی بارے امیر اتے ترقی یافتہ ملک ذمہ داری ݙکھاون، نگران وزیراعظم انوار الحق کاکڑ دا امریکی ٹی وی چینل کوں انٹرویو

دبئی ۔30نومبر(اے پی پی):نگران وزیراعظم انوار الحق کاکڑ لاس اینڈ ڈیمیج فنڈ فوری فعال ٻݨاوݨ تے زور ݙیندے آکھیے جو موسمیاتی تبدیلی بارے امیر اتے ترقی یافتہ ملک ذمہ داری ݙکھاون، متحدہ عرب امارات، سعودی عرب اتے خلیجی و مغربی ممالک موسمیاتی تبدیلی دے اثرات ڳھٹاوݨ کیتے پاکستان اچ متبادل توانائی دے منصوبیاں اچ سرمایہ کاری کر سقڈن۔ اے ڳالھ انہاں کوپ۔28 دے موقع تے امریکی ٹی وی چینل کوں انٹرویو اچ آکھیے جو پاکستان موسمیاتی تبدیلیاں دا ذمہ دار نئیں ٻھل موسمیاتی تبدیلیوں پاروں پاکستان اچ تباہ کن سیلاب نال سندھ اتے بلوچستان متاثر تھیئن، اساں اعتبار کراوݨ اچ کامیاب رہے ہیں جو لاس اینڈ ڈیمیج فنڈ کوں ترقیاتی فنڈز اتے وݙے مالیاتی اداریاں دے قرضاں توں انڄھ تھیوݨا چاہیدے، اے سرمایہ میرٹ تے اتے وادھو ہووݨا چاہیدے۔ انہاں آکھیا جو ہر کہیں کوں پتے جو پچھلی صدی اچ ماحولیاتی تبدیلی دے اثرات دا ذمہ دار کون اے، ایں سانڳے مباحثے دی لوڑھ اے جو امیر ملک آپ ذمہ داری ݙکھاون، لاس اینڈ ڈیمیج فنڈ بارے اقوام متحدہ دے فریم ورک تے ویلھا لڳ سڳدے ٻھل ایکوں وݙے عالمی مالیاتی اداراں نال فعال کیتا ونڄ سڳدے، ماحولیاتی تبدیلی سانگے متابدل توانائی ڄھیں مخصوص منصوبیاں تے سرمایہ کاری کریڄے، خلیجی ممالک متحدہ عرب امارات، سعودی عرب، کویت اتے مغربی ممالک ایندے اچ سرمایہ کاری کر سڳدن ڄیڑھا ساݙے کیتے ہک وݙا موقع اے۔