خلیج تعاون کونسل دے ملکاں نال آزادانہ تجارت دے معاہدے نال تجارت اتےسرمایہ کاری ودھسی ، وزیرتجارت گوہراعجاز

ریاض۔2دسمبر  (اے پی پی) وزیر تجارت تے صنعت ڈاکٹر گوہر اعجاز آکھیا جو خلیج تعاون کونسل دے ملکاں نال آزادانہ تجارت دے معاہدے نال تجارت اتےسرمایہ کاری ودھسی۔ اے ڳالھیں انہاں سعودی عرب اچ جی سی سی ملکاں نال آزادانہ تجارت دے معاہدے کیتے چیف مذاکرات کار نال ملاقات اچ آکھی۔ وزارت تجارت ولوں جاری بیان موجب وزیرتجارت  سعودی عرب اچ  سرکاری وفد دی قیادت کیتی جئیں اچ وزارت تجارت اتے سرمایہ کاری بورڈ دے سیکرٹریز اتے اٹارنی جنرل آفس دے حکام شامل ہن۔ فریقین پاکستان اتے جی سی سی وچال تجارت اتے سرمایہ کاری ودھاوݨ کیتے مستقبل قریب اچ سانجھے بزنس فورم کراوݨ تے ڳالھ مہاڑ کیتی۔ گوہر اعجاز مزمان نوازی تے خلیج تعاون کونسل دا شکریہ اد اکیتا۔