سندھ صدیاں توں کثیر اللسانی، کثیر المذہبی اتے کثیر النسلی اکائی رہیے، سندھ دا تنوع ایندی کمزوری نئی بلکہ طاقت اے، نگراں وفاقی وزیر اطلاعات مرتضیٰ سولنگی دا ”سورمیو“ تنظیم ولوں سندھ کلچرل ڈے دی تقریب توں خطاب

اسلام آباد۔3دسمبر  (اے پی پی) نگراں وفاقی وزیر اطلاعات، نشریات تے پارلیمانی امور مرتضیٰ سولنگی سندھ کلچرل ڈے دے موقع تے پاکستان خصوصی طور سندھ دی عوام کوں مبارخ ݙیندیں ہوئیں آکھیا جو سندھ صدیاں توں کثیر اللسانی، کثیر المذہبی اتے کثیر النسلی اکائی رہیے، سندھ دا تنوع ایندی کمزوری نئی بلکہ طاقت اے، سندھ ہک ایجھا خطہ اے جئیں دنیا دے مختلف خطیاں توں آئے مختلف مذاہب اتے نسلاں دے لوکاں کوں کٹھا کیتے۔ شاہ عبدالطیف بھٹائی دے ست سُر تریمتیں دے نانواں تے ہن۔ سندھ دے شاعراں سندھی تریمتیں دے کردار کوں اجاگر کیتے ۔ اے ڳالھیں انہاں آݙت وار کوں پاکستان نیشنل کونسل آف دی آرٹس اچ سندھی تریمتیں دی تنظیم ”سورمیو“ ولوں سندھ کلچرل ڈے دی تقریب توں خطاب کریندیں ہوئیں آکھی۔ تقریب اچ نگراں وفاقی وزیر تعلیم تے پیشہ ورانہ تربیت مدد علی سندھی وی موجود ہن۔