عمان ولوں گوادردی پاکستان کوں منتقلی ݙوہیں ملکاں وچال بھرپی آلے تعلقات اتے بے مثال دوستی دا مظہر ہے ،سپیکر قومی اسمبلی

اسلام آباد۔8دسمبر(اے پی پی) سپیکر قومی اسمبلی راجہ پرویز اشرف آکھیے جو سلطنت عمان ولوں گوادر دی پاکستان کوں منتقلی ݙوہیں بھرا اسلامی ملکاں وچال برادرانہ تعلقات اتے بے مثال دوستی دا مظہر اے ، 8 دسمبر ملکی تاریخ دا ھک اہم ݙینھ اے ،65 سال پہلے اڄ دے ݙینھ گوادر پاکستان دا باقائدہ طور تے حصہ بݨیا، گوادر پاکستان اچ کراچی پورٹ دے بعد ݙوجھی جھکے سمندر دی بندرگاہ اے ،جیں تےپاک چین تعاون نال تعمیراتی کم تکھے جاری اے ۔ سپیکر قومی اسمبلی اے ڳالھ یوم الحاق گوادردے موقع تے آپݨے سنھیے اچ آکھی اے جیڑھا جو ہر سال 8 دسمبر کوں پورے ملک اچ منایا ویندے ۔ انہاں آکھیے یوم الحاق گوادر مناوݨ دا مقصد گوادر دے تاریخی پس منظر اتے ایندی اسٹریٹجک اہمیت کوں نشابر کرݨ اے۔