کراچی۔8دسمبر(اے پی پی) نگران وزیراعظم انوار الحق کاکڑآکھیے جو عوام کوں صحت دی معیاری تے بہتر خدمات ݙیوݨ حکومت دی آئینی ذمے واری اے ،مستقبل اچ ترقی دا انحصار ٹیکنالوجی دے استعمال تے ہے، تحقیق دا ودھارا ہرحکومت دی ترجیح ہووݨی چاہیدی اے ۔ اے ڳالھ انہاں ہیلتھ ٹیک کانفرنس توں خطاب اچ آکھی اے ۔ نگران وزیراعظم آکھیے معیاری اتے صحت دی بہتر خدمات تئیں رسائی یقینی بݨاوݨ …
عوام کوں صحت دی معیاری خدمات ݙیوݨ حکومت دی آئینی ذمہ واری اے،نگران وزیراعظم انوار الحق
مزید خبراں
کراچی۔8دسمبر(اے پی پی) نگران وزیراعظم انوار الحق کاکڑآکھیے جو عوام کوں صحت دی معیاری تے بہتر خدمات ݙیوݨ حکومت دی آئینی ذمے واری اے ،مستقبل اچ ترقی دا انحصار ٹیکنالوجی دے استعمال تے ہے، تحقیق دا ودھارا ہرحکومت دی ترجیح ہووݨی چاہیدی اے ۔ اے ڳالھ انہاں ہیلتھ ٹیک کانفرنس توں خطاب اچ آکھی اے ۔ نگران وزیراعظم آکھیے معیاری اتے صحت دی بہتر خدمات تئیں رسائی یقینی بݨاوݨ حکومت دی آئینی ذمے واری اے ۔ اساں شہریاں کوں صحت دی مساوی سہولتاں ݙیوݨ سانڳے کوشاں ہیسے ۔ ایندے اچ مخیر حضرات اتے نجی شعبے دے کردار دی تعریف کریندوں ۔ آغا خان یونیورسٹی دا تعلیم ، تحقیق تے صحت دیاں سہولتاں اچ اہم کردار اے تے ہݨ آرٹس اتے سائنس دے شعبے اچ وی یونیورسٹی ٻہوں کم کیتے ۔ آغاخان یونیورسٹی پاکستان کیتے ھک قومی اثاثہ اے ، تحقیق اتے ٻئے شعبیں دی وجہ توں آغا خان یونیورسٹی دا شمار دنیا دی بہترین یونیورسٹیاں اچ تھیندے تے ایں نال پتہ لڳدے جو پاکستان عالمی سطح تے اعلیٰ معیار اتے علم دے ودھارے سانڳے کوشاں اے ۔ انہاں آکھیے ہر ضرورت دے موقع تے آغا خان یونیورسٹی اپݨی ذمہ واریاں چنڳے طریقے نبھائن ۔ کورونا ویلھے مریضاں کوں علاج دیاں سہولتاں ݙتن تے کوویڈ دے مریضاں دی ݙیکھ بھال سانڳے ہزاراں ڈاکٹراں تے نرساں دی تربیت یقینی بݨائی ۔ چھل اچ وی آغا خان یونیورسٹی متاثرہ علاقیں اچ ہزاراں ہیلتھ کلینکس بݨائے جنہاں دے ذریعے لکھاں لوکاں کوں علاج دیاں سہولتاں ݙتیاں۔ آغا خان یونیورسٹی پرنس آغاخان دے وژن اتے فہم و فراصت دی مظہر اے۔ وزیراعظم مزید آکھیے صحت دے شعبے اچ ڈیجیٹلائزیشن ھک بہترین ذریعہ اے۔
